أنه العطشان گلبي

مترهي تسولف علجره أعليه
وانه المگطوع گلبي أعليك يوميه

أغنيلك غناوي متيم الحلوات

وأشبهك بالورد وأنته أحله جوريه

شكثر لاموني بيك وما جزت منك

لحد الموت أحبك وأحسبه أشويه

يعيونك الحلوه امطوگات بليل

وعلى الوجنه الفرح يلعب الچوبيه

أضمك للصدر أتمنه لوبالطيف

ونسرح علشواطي بليله گمريه

وأنه العطشان گلبي وشفتك ينبوع

ما رايد ذهب كل طلبتي أميه

وتد حبك تجذر بيه من زمان

وأنت الي صبحتلي الروح والريه

تعيد الناس بعد أصيام رمضان

وعيدي من يهل إهلالك أعليه

أنزع ثوب حزنك لا تخلي الروح

تصبح من كلام الناس مسبيه

أفتح باب گلبك للمحب كل يوم

مضيف الحب كريم بكل معانيه

يبستان المحبه شما جنوا منه

يظل زاهي أبخضاره أواسع بفيه

وديعه الروح يمك لا تعذبها

منك ترتجي تنطيها حنيه

نزعت أعيوني من جافيتني ساعه

وأنه متاني وصالك هم ألك جيه؟؟

تدلل أزعل شمتريد أطلب گول

عمري كله ألك أوله وتاليه

جمعت أوراق حبنه وشرحت قصتي

يم قاضي المحبه وگلت مگضيه

حكمني بالمؤبد وبسجن حبك

صحت تحيا العداله شما قست بيه

أهلا بك على متصفحي الذي يتوق لأحتضان قلمك المميز

فلا تحرمني من حضورك المميز

مودتي مع خالص الأحترام

شكرا حبيبي موضوع جميل